દિલ પૂછે છે મારું ,અરે દોસ્ત ! તું ક્યાં જાય છે ?

Poem by an unknown Poet.....but an excellent one!!


દિલ પૂછે છે મારું ,અરે દોસ્ત ! તું  ક્યાં જાય  છે ?
જરાક તો નજર નાખ,સામે કબર દેખાય છે .

ના વ્યવહાર સચવાય છે ,ના તહેવાર સચવાય છે ,
દિવાળી હોય કે હોળી, બધું ઓફીસ માંજ ઉજવાય છે .

આ બધું તો ઠીક હતું, પણ હદ્દ તો ત્યાં થાય છે,
લગન ની મળે કંકોતરી,ત્યાં શ્રીમંત માં પણ માંડ જવાય છે .

પાંચ આંકડાના પગાર છે ,પણ પોતાના માટે પાંચ મિનીટ પણ ક્યાં વપરાય છે ,
પત્ની નો ફોને ૨ મિનીટ માં કાપીએ છે ,પણ  client નો  કોલ ક્યાં કપાય છે ?

Phonebook ભરી છે મિત્રો થી, પણ કોઈના એ ઘરે ક્યાં જવાય છે,
હવે તો ઘર ના પ્રસંગો પણ  Half day માં ઉજવાય છે .

બદલાતા આ પ્રવાહ માં,આપના સંસ્કાર ધોવાય છે,
આવનારી પેઢી પૂછશે,સંસ્કૃતિ કોને કહેવાય છે .

એક વાર તો  દિલ ને સાંભળો , બાકી મન તો કાયમ મુનજાય છે.
ચાલો જલ્દી નિર્ણય લઈએ, મને હજુય સમય બાકી દેખાય છે .

દિલ પૂછે છે મારું ,અરે દોસ્ત ! તું  ક્યાં જાય  છે ?
જરાક તો નજર નાખ,સામે કબર દેખાય છે .